UOL xabariga ko‘ra, Neymar to‘pig‘idan olgan jarohatidan hali tuzalmagan.

Manba bergan xabarga ko‘ra, 30 yoshli futbolchi terma jamoaning turnirning 1/8 final bosqichidagi o‘yinini o‘tkazib yuborishi mumkin. Vinger qaydnomaga kiritiladi, ammo o‘yinga tushirilmaydi.

Braziliya chorak finalga chiqqan taqdirda uning o‘yinida ishtirok etish ehtimoli yuqoriroq ko‘rilmoqda.

JCH-2022da Neymar guruh bosqichining 1-turida Serbiyaga (2:0) qarshi o‘yinda qatnashib, 79 daqiqani maydonda o‘tkazdi va samarali harakatlari bilan ajralib tura olmadi.

Braziliya terma jamoasi “G” guruhida 2 uchrashuvda 6 ochko bilan peshqadamlik qilmoqda va JCH-2022 1/8 final bosqichiga muddatidan avval yo‘llanmani qo‘lga kiritdi. Bugun, 2 dekabr kuni braziliyaliklar Kamerun bilan guruh bosqichining so‘nggi o‘yinini o‘tkazadi (Toshkent vaqti bilan soat 23.59da boshlanadi), shundan so‘ng jamoa qaysi o‘rindan pley-offga chiqishi aniq bo‘ladi.