UOL хабарига кўра, Неймар тўпиғидан олган жароҳатидан ҳали тузалмаган.

Манба берган хабарга кўра, 30 ёшли футболчи терма жамоанинг турнирнинг 1/8 финал босқичидаги ўйинини ўтказиб юбориши мумкин. Вингер қайдномага киритилади, аммо ўйинга туширилмайди.

Бразилия чорак финалга чиққан тақдирда унинг ўйинида иштирок этиш эҳтимоли юқорироқ кўрилмоқда.

ЖЧ-2022да Неймар гуруҳ босқичининг 1-турида Сербияга (2:0) қарши ўйинда қатнашиб, 79 дақиқани майдонда ўтказди ва самарали ҳаракатлари билан ажралиб тура олмади.

Бразилия терма жамоаси “G” гуруҳида 2 учрашувда 6 очко билан пешқадамлик қилмоқда ва ЖЧ-2022 1/8 финал босқичига муддатидан аввал йўлланмани қўлга киритди. Бугун, 2 декабрь куни бразилияликлар Камерун билан гуруҳ босқичининг сўнгги ўйинини ўтказади (Тошкент вақти билан соат 23.59да бошланади), шундан сўнг жамоа қайси ўриндан плей-оффга чиқиши аниқ бўлади.