Argentinalik futbolchilar Anxel Di Mariya va Leandro Paredes qishda Turinning «Yuventus» klubini tark etishi mumkin. Bu haqda insayder Janluka Di Marsio yozdi.
Xabaringiz bor, hozir «Yuve» juda ham tashvishli davrni boshdan kechirmoqda. Turinliklarga qarshi birdaniga bir nechta tergov ishlari boshlandi. G‘arb matbuoti xabariga ko‘ra, «Yuventus»ni moliyaviy firibgarlik uchun qattiq jazo kutmoqda.
Tergovlar boshlanishi arafasida Andrea Anyelli, Pavel Nedved va boshqa rahbarlar klubni tark etishdi.
