Ko‘pchilik finalda Messi va Ronalduni kutmoqda, ammo bu jahon chempionatining asosiy o‘yinchisi Mbappe bo‘lib turibdi. Hozirda u 2022 yilgi jahon chempionatining eng kuchli jamoasida asosiy yulduz hisoblanadi (kechirasiz, Braziliya). U turnirdagi to‘rtta o‘yinda beshta gol va ikkita golli uzatmaga mualliflik qilgan.

Gollar hamma narsani aks ettirmasligini tushunishingiz kerak. Fransiyaning o‘ng qanotdan ko‘ra chap qanotdagi hujumi qanchalik ko‘p ekanligi yanada oshkora bo‘ldi.

Aynan Mbappening golli uzatmasi evaziga Jiru Fransiya terma jamoasi tarixidagi eng yaxshi to‘purarga aylandi (52 gol). Aftidan, 34 yoshli Benzema (37 gol) endi unga yetib ololmaydi. Endi Mbappegina Jirudan o‘zib ketish uchun ajoyib imkoniyatga ega. U 23 yoshga kelib 33 ta golga ega. Biroz vaqt o‘tgach, Jiruning rekordi hech narsadek tuyulishi mumkin.

Ha, va Klozening jahon chempionatlarida gol urish bo‘yicha rekordi ham bu ketishda yangilanadiganda o‘xshaydi. Nemis futbolchisi faoliyati davomida 16 gol urgan, Mbappeda esa hozirning o‘zida 8 ta gol mavjud. Kilianni bu yerda nima to‘xtatishi mumkinligi ham aniq emas. Agar Fransiya Italiya rejimini yoqib olib, bir nechta jahon chempionatlarini o‘tkazib yubormasi Kilianda rekordni yangilash uchun barcha imkoniyatlar mavjuddek ko‘rinadi.

Mbappe jamoasi yutqazayotganda qanchalik foydali? Tunis bilan o‘yinda buni ko‘rishning imkoni bo‘lmadi. Shuning uchun biz Fransiya termasini kuchli raqib fonida ko‘rishimiz kerak. Shundagini Mbappe kuchli jamoalarga ham gol urishni udday oladimi, yo‘qmi, degan savolga javob olishimiz mumkin bo‘ladi.