«Manchester Siti» himoyachisi Serxio Gomes bosh murabbiy Xosep Gvardiolani maqtadi. Eslatib o‘tamiz, ispaniyalik himoyachi shu yilning yozida Belgiyaning «Anderlext» klubidan «shaharliklar» lageriga ko‘chib o‘tgandi.
«Gvardiola - dunyoning eng yaxshi murabbiyi. U haqiqatan ham «Manchester Siti»da barchaga individual rivojlanishga yordam beradi.
Xosep har bir o‘yinchi qayerda bo‘lishi kerakligini aytishdan charchamaydi. U sizga hammasini batafsil tushuntirib beradi», - deya Gomesning so‘zlarini keltiradi «Manchester Siti» rasmiy sayti.
Joriy mavsumda Gomes Angliya premyer-ligasida «shaharliklar» safida 5 ta o‘yin o‘tkazishga muvaffaq bo‘ldi. Bu uchrashuvlarda ispaniyalik futbolchi bitta golli uzatmani amalga oshirdi.
