«Манчестер Сити» ҳимоячиси Серхио Гомес бош мураббий Хосеп Гвардиолани мақтади. Эслатиб ўтамиз, испаниялик ҳимоячи шу йилнинг ёзида Бельгиянинг «Андерлехт» клубидан «шаҳарликлар» лагерига кўчиб ўтганди.
«Гвардиола - дунёнинг энг яхши мураббийи. У ҳақиқатан ҳам «Манчестер Сити»да барчага индивидуал ривожланишга ёрдам беради.
Хосеп ҳар бир ўйинчи қаерда бўлиши кераклигини айтишдан чарчамайди. У сизга ҳаммасини батафсил тушунтириб беради», - дея Гомеснинг сўзларини келтиради «Манчестер Сити» расмий сайти.
Жорий мавсумда Гомес Англия премьер-лигасида «шаҳарликлар» сафида 5 та ўйин ўтказишга муваффақ бўлди. Бу учрашувларда испаниялик футболчи битта голли узатмани амалга оширди.
