«PSJ» prezidenti Nosir Al-Xelayfi 2021 yilda 12 ta klub tomonidan boshlangan Superliga loyihasi haqida gapirdi.
Ulardan 9 nafari bu g‘oyadan tezda voz kechishdi - loyihani hanuzgacha «Yuventus», «Barselona» va «Real Madrid» klublari qo‘llab-quvvatlamoqda.
Al-Xelayfining fikricha, Superliga loyihasini amalga oshirishning iloji yo‘q.
«Menimcha, ular buni bilishadi, lekin ular Yevropa klublari assosiasiyasi va UYEFAdan maksimal foyda olishni istashadi. Ammo mazkur klublarda kelishadigan hech narsa yo‘qligi aniq.
Barcha UYEFA klublari birlashgan, biz avvalgidan ancha yaxshi ishlayapmiz. Biz turli darajadagi klublarning katta oilasiga o‘xshaymiz – barchamiz Yevropa futboli manfaatlari haqida qayg‘uramiz», deydi Al-Xelayfi.