«ПСЖ» президенти Носир Ал-Хелайфи 2021 йилда 12 та клуб томонидан бошланган Суперлига лойиҳаси ҳақида гапирди.
Улардан 9 нафари бу ғоядан тезда воз кечишди - лойиҳани ҳанузгача «Ювентус», «Барселона» ва «Реал Мадрид» клублари қўллаб-қувватламоқда.
Ал-Хелайфининг фикрича, Суперлига лойиҳасини амалга оширишнинг иложи йўқ.
«Менимча, улар буни билишади, лекин улар Европа клублари ассоциацияси ва УЕФАдан максимал фойда олишни исташади. Аммо мазкур клубларда келишадиган ҳеч нарса йўқлиги аниқ.
Барча УЕФА клублари бирлашган, биз аввалгидан анча яхши ишлаяпмиз. Биз турли даражадаги клубларнинг катта оиласига ўхшаймиз – барчамиз Европа футболи манфаатлари ҳақида қайғурамиз», дейди Ал-Хелайфи.