Braziliya terma jamoasi yetakchisi Neymar futbol bo‘yicha uch karra jahon chempioniga aylangan afsonaviy braziliyalik hujumchi Peleni qo‘llab-quvvatlashini bildirdi.
"So‘nggi paytlarda Pele bilan sodir bo‘layotgan hodisalar juda qiyin. Bu haqda gapirish qiyin. Umid qilamanki, u tez orada tuzalib ketadi va bizning g‘alabamiz (Janubiy Koreya terma jamoasi ustidan – muallif) unga quvonch bag‘ishladi”, — dedi Neymar FIFA rasmiy saytiga.
Braziliya terma jamoasi Qatarda bo‘lib o‘tayotgan jahon chempionatining 1/8 finalida Janubiy Koreya termasini mag‘lub etib, chorak finalga chiqdi – 4:1.
Pele bir necha yildan beri saraton kasalligidan da’volanmoqda. Yaqinda ommaviy axborot vositalarida uning yomonlashgani va hatto kimyoterapiya ham kasallikni yo‘q qilishga yordam bermagani haqida xabarlar paydo bo‘ldi. Ammo keyinroq braziliyalikning o‘zi uning ahvoli barqarorlashganini aytdi.
