Бразилия терма жамоаси етакчиси Неймар футбол бўйича уч карра жаҳон чемпионига айланган афсонавий бразилиялик ҳужумчи Пелени қўллаб-қувватлашини билдирди.

"Сўнгги пайтларда Пеле билан содир бўлаётган ҳодисалар жуда қийин. Бу ҳақда гапириш қийин. Умид қиламанки, у тез орада тузалиб кетади ва бизнинг ғалабамиз (Жанубий Корея терма жамоаси устидан – муаллиф) унга қувонч бағишлади”, — деди Неймар ФИФА расмий сайтига.

Бразилия терма жамоаси Қатарда бўлиб ўтаётган жаҳон чемпионатининг 1/8 финалида Жанубий Корея термасини мағлуб этиб, чорак финалга чиқди – 4:1.

Пеле бир неча йилдан бери саратон касаллигидан даъволанмоқда. Яқинда оммавий ахборот воситаларида унинг ёмонлашгани ва ҳатто кимётерапия ҳам касалликни йўқ қилишга ёрдам бермагани ҳақида хабарлар пайдо бўлди. Аммо кейинроқ бразилияликнинг ўзи унинг аҳволи барқарорлашганини айтди.