Qatar-2022 o‘yinlarini o‘rganish bo‘yicha texnik guruh rahbari Arsen Vengerning aytishicha, FIFA hozirda jahon chempionatlarini o‘tkazishning to‘rt yillik sikliga amal qilmoqda.
Avvalroq tashkilot prezidenti Janni Infantino federasiyaning har ikki yilda bir marta jahon chempionatini o‘tkazish to‘g‘risida qaror qabul qilish istagi borligini ma’lum qilgandi. Hozirda turnir har to‘rt yilda bir marta o‘tkaziladi.
Vengerning aytishicha, g‘oya yomon emas, ammo tadbir saralash taqvimini qayta ko‘rib chiqishni talab qilishi mumkin. FIFA bu qarorga borishni rejalashtirmayapti.
"Biz jahon chempionati, tobora muhim turnirga aylanib borayotgan ayollar o‘rtasidagi jahon chempionati, Yevropa chempionati va klublar o‘rtasidagi jahon chempionati o‘rtasida almashinadigan to‘rt yillik siklni kuzatib boramiz", - deya Venger so‘zlarini keltiradi L'Equipe.
