"Bavariya" markaziy himoyachisi Matteys de Ligt yana o‘z fikri bilan "Yuventus" muxlislarini xursand qilmadi.
Niderlandiyalik futbolchi transferdan so‘ng Turin klubini kamsituvchi so‘zlarni aytganlikda allaqachon ayblangan va shunga o‘xshash voqea yana takrorlandi: "O‘ylaymanki, "Bavariya"ga o‘tganimdan keyin ancha o‘sdim, bundan juda xursandman. O‘tgan yozda men katta klubga o‘tmoqchi edim va bunga erishdim. Hammasi yaxshi ketar ekan, menga hammasi yoqadi", - deya De Ligt so‘zlarini keltiradi TMW.
Eslatib o‘tamiz, 23 yoshli markaziy himoyachi o‘tgan yozda 67 million yevro evaziga "Yuventus"dan "Bavariya"ga o‘tgan edi. Uning shartnomasi 2027 yilgacha mo‘ljallangan.
