Angliya terma jamoasi so‘nggi yillarda oldinga siljidi. Shunga qaramay, bosh murabbiy Garet Sautgeyt muntazam ravishda tanqidlarga uchrab turadi. Bu Millatlar Ligasining so‘nggi mavsumidagi “uch sherlar”ning muvaffaqiyatsizligidan keyin yanada kuchaydi.
Fransiya terma jamoasi bosh murabbiyi Didye Desham jahon chempionatining chorak finali oldidan raqibi haqida fikr bildirdi.
"Menga Garet juda yoqadi. Biz bir-birimizni ikki marta ko‘rdik, turli xil narsalarni gaplashdik. To‘g‘ri tushunsam, uni hamma ham o‘z yurtida u qadar hurmat qilmaydi. Lekin u yaxshi murabbiy. Uning rahbarligida Angliya terma jamoasi so‘nggi yillarda juda yaxshi natijalarga erishmoqda", - dedi Desham matbuot anjumanida.
