Niderlandiya terma jamoasi bosh murabbiyi Lui van Gal argentinalik darvozabon Emiliano Martines bilan yuzaga kelgan kichik mojaro haqida gapirdi.
Eslatib o‘tamiz, "Aston Villa" darvozaboni kecha o‘yindan keyingi penaltilar seriyada ikkita penaltini qaytargan va Argentinani jahon chempionatining yarim finaliga olib chiqqan edi.
"Men ispan tilida ozgina gaplashaman. Argentinalik darvozabon Emiliano Martines uchrashuv yakuniga yetgach, menga o‘yin oldidan juda ko‘p gapirganimni aytdi", — dedi Van Gal matbuot anjumanida.
Eslatib o‘tamiz, Argentina bilan o‘yindan so‘ng van Gal Gollandiya terma jamoasini tark etishini ma’lum qilgandi. Avvalroq, murabbiyga Belgiya terma jamoasi qiziqish bildirgandi.
