Нидерландия терма жамоаси бош мураббийи Луи ван Гал аргентиналик дарвозабон Эмилиано Мартинес билан юзага келган кичик можаро ҳақида гапирди.
Эслатиб ўтамиз, "Астон Вилла" дарвозабони кеча ўйиндан кейинги пенальтилар серияда иккита пенальтини қайтарган ва Аргентинани жаҳон чемпионатининг ярим финалига олиб чиққан эди.
"Мен испан тилида озгина гаплашаман. Аргентиналик дарвозабон Эмилиано Мартинес учрашув якунига етгач, менга ўйин олдидан жуда кўп гапирганимни айтди", — деди Ван Гал матбуот анжуманида.
Эслатиб ўтамиз, Аргентина билан ўйиндан сўнг ван Гал Голландия терма жамоасини тарк этишини маълум қилганди. Аввалроқ, мураббийга Бельгия терма жамоаси қизиқиш билдирганди.
