Angliya terma jamoasi hujumchisi Xarri Keyn JCH-2022 chorak finalida Fransiyaga qarshi o‘yin (1:2) yakunida penaltidan foydalana olmagani uchun uzr so‘radi.
“Men jamoadoshlarim bilan faxrlanaman. Bizda yaxshi imkoniyatlar bo‘ldi, lekin futbolda hamma narsani mayda detallar ham hal qiladi. Men jamoa sardoriman. Men esa hal qiluvchi penaltini amalga oshira olmadim. Natija uchun javobgarlikni o‘z zimmamga olaman.
Men o‘z qobiliyatlarimga ishonardim. Men shunchaki qilmoqchi bo‘lgan narsani qila olmadim.
Qolgan vaqtimni shu bilan yashashim kerak”, — deya Keyn so‘zlarini keltiradi BBC.
