"Tottenxem" rahbariyati Antonio Konteni saqlab qolmoqchi. Italiyalik murabbiyning amaldagi shartnomasi mavsum oxirida tugaydi va "shporlar" 53 yoshli mutaxassisga yangi uzoq muddatli shartnoma taklif qilishga tayyor. Bu haqda The Athletic yozmoqda.

Antonio Kontening qarori "Tottenxem"ning transfer bozorida qanday ishlashiga bog‘liq bo‘lishi mumkin. Italiyalik mutaxssis oldinga siljishi uchun jamoani jiddiy kuchaytirish kerakligini bir necha bor ta’kidlagan.

Antonio Konte boshchiligida "Tottenxem" 58 ta o‘yin o‘tkazgan. Ularda 33 g‘alaba, 9 durang va 16 mag‘lubiyat ta o‘yinda mag‘lubiyatga uchragan.

"Tottenxem" hozirda APL turnir jadvalida 4-o‘rinda bormoqda.