Angliyalik sobiq himoyachi Rio Ferdinand milliy terma jamoa Fransiyaga 1:2 hisobida yutqazib, jahon chempionatini tark etganidan so‘ng, “Uch sherlar” bosh murabbiyi Garet Sautgeytni tanqid qildi.

"Menimcha, Sautgeyt Fransiya bilan o‘yingacha qabul qilgan deyarli har bir qarorida mukammal edi. Lekin u o‘yinchi almashtirish kabi taktik elementda mag‘lub bo‘ldi deb o‘ylayman.

Bu taktikaning bir qismi. Turnirning shunday muhim pallasida o‘yinchi almashtirishlarni amalga oshirish, o‘yinni boshqarish va uning natijasiga ta’sir qilish juda muhim. O‘ylaymanki, Sautgeyt qabul qilgan qarorlarini o‘zgartiradi. U almashtirishlarda faol emas, faqat maydondagi vaziyatga munosabat bildirgan.

Hisob 1:1. Boshqa mutaxassislar bilan men o‘tirib: "Buqaning shoxidan tut, o‘rnini almashtir, bizni oldinga boshla" - dedim. Reshford, Grilish bor kabi futbolchilar bor edi, ular maydonga chiqib, o‘yinni o‘zgartira olardi. Ammo u buni juda kech amalga oshirdi, buni o‘yinda g‘alaba qozonish imkoniyati bo‘lganida amalga oshirish kerak edi", - dedi Ferdinand The Sun bilan suhbatda.

Markus Reshford Fransiya bilan o‘yinda 85-daqiqada maydonga tushdi, o‘shanda hisob 2:1 Didye Desham shogirdlari foydasiga hal bo‘layotgandi. Jek Grilish final hushtagiga ikki daqiqa qolganida o‘yinda maydonga tushdi.