Англиялик собиқ ҳимоячи Рио Фердинанд миллий терма жамоа Францияга 1:2 ҳисобида ютқазиб, жаҳон чемпионатини тарк этганидан сўнг, “Уч шерлар” бош мураббийи Гарет Саутгейтни танқид қилди.
"Менимча, Саутгейт Франция билан ўйингача қабул қилган деярли ҳар бир қарорида мукаммал эди. Лекин у ўйинчи алмаштириш каби тактик элементда мағлуб бўлди деб ўйлайман.
Бу тактиканинг бир қисми. Турнирнинг шундай муҳим палласида ўйинчи алмаштиришларни амалга ошириш, ўйинни бошқариш ва унинг натижасига таъсир қилиш жуда муҳим. Ўйлайманки, Саутгейт қабул қилган қарорларини ўзгартиради. У алмаштиришларда фаол эмас, фақат майдондаги вазиятга муносабат билдирган.
Ҳисоб 1:1. Бошқа мутахассислар билан мен ўтириб: "Буқанинг шохидан тут, ўрнини алмаштир, бизни олдинга бошла" - дедим. Рэшфорд, Грилиш бор каби футболчилар бор эди, улар майдонга чиқиб, ўйинни ўзгартира оларди. Аммо у буни жуда кеч амалга оширди, буни ўйинда ғалаба қозониш имконияти бўлганида амалга ошириш керак эди", - деди Фердинанд The Sun билан суҳбатда.
Маркус Рэшфорд Франция билан ўйинда 85-дақиқада майдонга тушди, ўшанда ҳисоб 2:1 Дидье Дешам шогирдлари фойдасига ҳал бўлаётганди. Жек Грилиш финал ҳуштагига икки дақиқа қолганида ўйинда майдонга тушди.
