«Barselona» hujumchisi Memfis Depay qishda klubini o‘zgartirishga tayyor.
Sport xabariga ko‘ra, niderlandiyalik futbolchining vakillari allaqachon «Roma» bilan bog‘lanishgan va ular bilan aloqada bo‘lib turibdi. A Seriya klubi Depayni mavsumning qolgan qismi uchun ijaraga olmoqchi.
Shunda rimliklar futbolchi bilan to‘laqonli shartnoma imzolash imkoniyatiga ega bo‘lishadi, chunki uning «Barselona» bilan amaldagi kelishuvi yozda tugaydi.
28 yoshli Memfis Depay «Barselona» safida jami 41 ta o‘yin o‘tkazgan va 14 ta gol urib, sheriklariga ikkita samarali uzatma bergan.
