Xorvatiya terma jamoasi bosh murabbiyi Zlatko Dalich Qatarda bo‘lib o‘tayotgan jahon chempionatida 3-o‘rin uchun o‘yindan oldingi fikrlari bilan o‘rtoqlashdi.
"Shanba kungi o‘yin biz uchun kichik emas, balki katta final, uchinchi o‘rin, medal uchun kurash. Biz har tomonlama tayyorgarlik ko‘rishimiz kerak, bu katta ish, agar bronzani olsak, ajoyib bo‘ladi.
Bizda futbolchilar bilan muammolar bor, Gvardiol bilan ham muammolarimiz bor edi. Ukol qilishdi, oyog‘idagi jarohati tufayli ikki kun mashq qilmadi.
Bu biz uchun katta o‘yin, bizga tayyor futbolchilar kerak. Dunyoda uchinchi yoki to‘rtinchi terma jamoa bo‘lishning farq bor. Biz g‘alaba qozonish uchun hamma narsani qilamiz", - dedi Dalich Xorvatiya futbol assosiasiyasi rasmiy saytiga.
Uchinchi o‘rin uchun kurashda Xorvatiya Marokash bilan kuch sinashadi. Uchrashuv 17 dekabr kuni Toshkent vaqti bilan 20:00 da boshlanadi.
