Хорватия терма жамоаси бош мураббийи Златко Далич Қатарда бўлиб ўтаётган жаҳон чемпионатида 3-ўрин учун ўйиндан олдинги фикрлари билан ўртоқлашди.

"Шанба кунги ўйин биз учун кичик эмас, балки катта финал, учинчи ўрин, медал учун кураш. Биз ҳар томонлама тайёргарлик кўришимиз керак, бу катта иш, агар бронзани олсак, ажойиб бўлади.

Бизда футболчилар билан муаммолар бор, Гвардиол билан ҳам муаммоларимиз бор эди. Укол қилишди, оёғидаги жароҳати туфайли икки кун машқ қилмади.

Бу биз учун катта ўйин, бизга тайёр футболчилар керак. Дунёда учинчи ёки тўртинчи терма жамоа бўлишнинг фарқ бор. Биз ғалаба қозониш учун ҳамма нарсани қиламиз", - деди Далич Хорватия футбол ассоциацияси расмий сайтига.

Учинчи ўрин учун курашда Хорватия Марокаш билан куч синашади. Учрашув 17 декабрь куни Тошкент вақти билан 20:00 да бошланади.