Dushan Vlahovichning "Yuventus"ga o‘tganiga bir yildan kamroq vaqt o‘tdi va serbning Turinni tark etishi haqidagi mish-mishlar allaqachon matbuotda paydo bo‘lmoqda. Calciomercatonews xabariga ko‘ra, agar 80-90 million yevrolik taklif tushsa, "keksa senyora" Vlahovichni keyingi yozda sotishga tayyor.
Qayd etilishicha, “Yuventus” Dushan Vlahovichning o‘rnini bosadigan futbolchi topib bo‘lgan. Turinliklar klubi “Lill” safida o‘ynaydigan kanadalik hujumchi Jonatan Devidni o‘z safiga qo‘shib olmoqchi.
22 yoshli Jonatan Devid 2022/2023 yilgi mavsumda 20 uchrashuvda 10 ta gol urdi.