"Arsenal" va Angliya terma jamoasi vingeri Bukayo Saka "Manchester Siti"ning transferlar ro‘yxatida qolmoqda.
"Kanonirlar" rahbariyati 21 yoshli futbolchining 2024 yilda tugaydigan shartnomasini uzaytirishni anchadan buyon rejalashtirgan, biroq tomonlar o‘rtasidagi kelishuvga hali erishilgani yo‘q.
Jurnalist Grem Beylining fikricha, agar futbolchi kelasi mavsum boshlanishidan oldin yangi shartnoma imzolamasa, "Arsenal" Sakani boshqa jamoaga qo‘yib yuborishga majbur bo‘lishi mumkin. Angliyalik yosh futbolchiga asosiy da’vogar "Manchester Siti" bo‘lib turibdi.
Bukayo Saka joriy mavsum “Arsenal” safida 20 ta o‘yinda maydonga tushib, 5 ta gol urdi va 6 ta golli uzatmani amalga oshirdi.