Dortmundning “Borussiya” klubi Frankfurtning “Ayntraxt” klubining yaponiyalik yarim himoyachisi Daichi Kamadaga qiziqish bildirmoqda, deb xabar beradi Bild.

Manba bergan xabarga ko‘ra, dortmundliklar futbolchini kelasi yozda, uning klub bilan shartnomasi yakunlanganda o‘z safiga qo‘shib olish niyatida. Shu tariqa yapon boshqa klubga tekinga o‘tishlari mumkin.

26 yoshli Kamada joriy mavsumda Frankfurtning “Ayntraxt” va Yaponiya terma jamoasi safida barcha musobaqalarda 26 ta o‘yinda maydonga tushib, 12 ta gol urdi va 4 ta golga assistentlik qildi.