"Fiorentina" yarim himoyachisi Sofyan Amrabatga "Tottenxem" qiziqish bildirmoqda, deb xabar beradi La Republicca.
Italiya klubi futbolchining Marokash termasi bilan JCH-2022dagi muvaffaqiyatli o‘yini sabab uning narxini oshirgan, shuning uchun "binafsharanglilar" qishda transfer uchun kamida 50 million yevro so‘raydi. "Shporlar" La Liga klubiga o‘tishni ma’qul ko‘radigan futbolchi bilan shartnoma imzolashning turli usullarini o‘rganib, muzokaraga tayyor.
"Tottenxem" shu yilning yanvar oyidayoq Amrabatni qo‘lga kiritishga urinib ko‘rgandi, ammo keyin Rodrigo Bentankurning transferini rasmiylashtirishdi.
Amrabat joriy mavsumda 20 ta o‘yinda maydonga tushib, gol urmagan.