Marokash terma jamoasi himoyachisi Nusser Mazraui ertaga bo‘lib o‘tadigan Xorvatiyaga qarshi jahon chempionati bronza medali uchun o‘yinni o‘tkazib yuborishi mumkin.

Germaniyadagi nashrlardan olingan ma’lumotlarga ko‘ra, futbolchi hali jarohatidan to‘liq forig‘ bo‘lmagan, shu sabab Fransiya bilan yarim finalda maydonni tark etgan edi.

Ushbu mundialda Mazraui 5 ta o‘yin o‘tkazib, birorta ham samarali harakatlari bilan ajralib turmadi.

Shu yozda Nusser «Ayaks»dan «Bavariya»ga tekinga o‘tdi. U Germaniya chempionatining 11 o‘yinida 3 ta golli uzatmani amalga oshirdi.