"Chelsi" himoyachisi Trevo Chaloba yarim himoyachi Hakim Ziyesh jamoaga qaytganidan so‘ng turnirning yarim finaliga qadar etib borgan Marokash terma jamoasi tarkibida ko‘rsatgan formasini yo‘qotmasligiga umid bildirdi.
"Xakim jahon chempionatida juda barqaror ishtirok etdi. Biz jamoada shu narsani ko‘rishni istaymiz. Umid qilamanki, "Chelsi"ga qaytganidan so‘ng Ziyesh jahon chempionatidagi kabi formani ko‘rsatishda davom etadi", - dedi himoyachi Sky Sports bilan suhbatda.
Eslatib o‘tamiz, Ziyesh jahon chempionatida bitta gol urdi va bitta golli uzatmani amalga oshirdi. Ertaga Xakim o‘z jamoasi safida Xorvatiyaga qarshi jahon chempionati uchinchi o‘rin uchun o‘yinda maydonga tushadi.
