37 yoshli portugaliyalik hujumchi Krishtianu Ronalduga faoliyatini davom ettirish uchun yangi klub topishi unchalik oson bo‘lmayapti. AS jurnalistlarining yozishicha, markaziy hujumchisiga hozircha Yevropa klublaridan taklif yo‘q.
Manbaga ko‘ra, Ronalduda Saudiya Arabistoni va Qatar chempionatlarida o‘ynash imkoniyatlari mavjud. Uning xizmatlariga mos ravishda «An-Nasr» va «As-Sadd» qiziqish bildirgan.
Oldinroq Saudiya Arabistonida Krishtianu mavsumiga taxminan 200 million yevro ishlab olishi mumkinligi xabar qilingandi.
Noyabr oyi oxirida portugaliyalik futbolchi «Manchester Yunayted» bilan mehnat shartnomasini bekor qildi va erkin agentga aylandi.
