Germaniya terma jamoasi bosh murabbiyi Xans-Diter Flik Argentina va Fransiya terma jamoalari o‘rtasidagi bo‘lib o‘tadigan final haqidagi fikrlari bilan o‘rtoqlashdi.
“Agar siz futbol romantiki bo‘lsangiz, Messining jahon chempionatida g‘alaba qozonishini xohlaysiz, chunki u so‘nggi yillarning eng yaxshi futbolchisi. U yoshi katta bo‘lishiga qaramay, eng yuqori saviyadagi o‘yinni namoyish etishda davom etmoqda va so‘nggi jahon chempionati yakunida kubokni boshi uzra ko‘tarishga loyiq edi.
Har ikki jamoa ham munosib tarzda finalga chiqdi va umuman olganda, men neytralman. Shu bilan birga, men “Bavariya”da birga ishlagan Fransiya terma jamoasining ayrim futbolchilari bilan hamon alohida aloqadaman", — dedi Flik SID nashriga bergan intervyusida.
