"Tottenxem" Antonio Kontega maoshi oshirilgan yangi shartnoma taklif qiladi.
"Shporlar" italiyalik mutaxassisning maoshini yiliga 1 million funtga oshirishga tayyor. Shuningdek, klub qishki transfer oynasida jamoani kuchaytirish uchun ikki nafar yangi futbolchini qo‘lga kiritishga tayyorligi xabar qilingan.
Biroq, Konte yangi shartnoma imzolashga shoshilmayapti. U nafaqat yanvarda, balki yozgi transfer oynasida ham uni qo‘llab-quvvatlashiga ishonch hosil qilmoqchi. Qolaversa, italiyalik mutaxassisning qarori hali ham Italiyada istiqomat qilayotgan oilasining xohishiga bog‘liq bo‘ladi.
Antonio Konte 2021 yilning noyabrida "Tottenxem"ni boshqarishni boshlagan edi. Joriy mavsumda uning qo‘l ostidagi klub Chempionlar ligasining pley-off bosqichiga chiqdi va 15 turdan so‘ng Premyer-liga turnir jadvalida 4-o‘rinda bormoqda.
Murabbiyning "shporlar" bilan shartnomasi joriy mavsum oxirigacha amal qiladi va yana 12 oyga uzaytirilishi mumkin.
