Relevo nashri jurnalisti Matteo Morettoning xabar berishicha, Madridning “Atletiko” klubi “Lester” himoyachisi Chaglar Seyundju transferi borasida deyarli kelishuvga erishdi.
Manbaga ko‘ra, Madrid klubi futbolchi bo‘yicha dastlabki kelishuvga erishgan. 26 yoshli turkiyalik qishda shartnoma imzolashi va 2023 yilning yozida erkin agent maqomida ispan jamoasiga o‘tishi kutilmoqda.
Futbolchining “Lester” bilan shartnomasi 2023 yilning iyun oyi oxirigacha amal qiladi, qoidaga ko‘ra, u yanvar oyidan boshlab boshqa klublar bilan mustaqil muzokara olib borishi mumkin.
Seyundju 2018 yilning avgustidan buyon ingliz jamoasida to‘p surmoqda. 2022/23 yilgi mavsumda u "tulkilar" safida 2 ta o‘yinda qatnashib, gol ura olmagan. Transfermarkt.com portali himoyachining narxini 22 million yevroga baholamoqda.