Relevo нашри журналисти Маттео Мореттонинг хабар беришича, Мадриднинг “Атлетико” клуби “Лестер” ҳимоячиси Чаглар Сеюнджу трансфери борасида деярли келишувга эришди.
Манбага кўра, Мадрид клуби футболчи бўйича дастлабки келишувга эришган. 26 ёшли туркиялик қишда шартнома имзолаши ва 2023 йилнинг ёзида эркин агент мақомида испан жамоасига ўтиши кутилмоқда.
Футболчининг “Лестер” билан шартномаси 2023 йилнинг июнь ойи охиригача амал қилади, қоидага кўра, у январь ойидан бошлаб бошқа клублар билан мустақил музокара олиб бориши мумкин.
Сеюнджу 2018 йилнинг августидан буён инглиз жамоасида тўп сурмоқда. 2022/23 йилги мавсумда у "тулкилар" сафида 2 та ўйинда қатнашиб, гол ура олмаган. Transfermarkt.com портали ҳимоячининг нархини 22 миллион еврога баҳоламоқда.