«Chelsi» himoyachisi Uesli Fofana muxlislarni bir oydan kamroq vaqt ichida safga qaytishiga ishontirdi. Eslatib o‘tamiz, fransiyalik futbolchi kecha "Brentford" bilan bo‘lgan o‘rtoqlik uchrashuvida jarohat olgan va maydonni juda hafsalasi pir bo‘lgan holda tark etgandi.
«Men tez orada qaytaman. O‘ylaymanki, bu bir oydan ham ertaroq muddatda sodir bo‘ladi», — deb yozdi Fofana ijtimoiy tarmoqdagi sahifasida.
Fofana avvalroq tizzasidan jarohat olgan edi, shu sababli u bir necha oyni o‘tkazib yubordi. Fransiyalik futbolchi Chempionlar ligasi doirasidagi «Milan»ga qarshi o‘yinda jarohat olgan.
