"Napoli" hujumchisi Xvicha Kvarasxeliya tez orada italyan klubi bilan yaxshilangan shartlar asosida yangi bitim imzolashi mumkin, deya xabar beradi jurnalist Nikolo Shkira.
Manbaga ko‘ra, kelishuv yanvar oyida amalga oshishi mumkin. Tez orada 21 yoshli futbolchining agenti yangi shartnoma shartlarini muhokama qilish uchun Neapolga boradi.
Kvarasxeliyaning "Napoli" bilan amaldagi shartnomasi 2027 yilning yoziga qadar mo‘ljallangan. Transfermarkt portali Gruziya terma jamoasi futbolchisini 60 million yevroga baholamoqda.
Joriy mavsumda vinger neapolliklar safida 17 ta o‘yinda maydonga tushib, 8 ta gol urdi va 10 ta golli uzatmani amalga oshirdi.