"Наполи" ҳужумчиси Хвича Кварацхелия тез орада италян клуби билан яхшиланган шартлар асосида янги битим имзолаши мумкин, дея хабар беради журналист Николо Шкира.
Манбага кўра, келишув январ ойида амалга ошиши мумкин. Тез орада 21 ёшли футболчининг агенти янги шартнома шартларини муҳокама қилиш учун Неаполга боради.
Кварацхелиянинг "Наполи" билан амалдаги шартномаси 2027 йилнинг ёзига қадар мўлжалланган. Тransfermarkt портали Грузия терма жамоаси футболчисини 60 миллион еврога баҳоламоқда.
Жорий мавсумда вингер неаполликлар сафида 17 та ўйинда майдонга тушиб, 8 та гол урди ва 10 та голли узатмани амалга оширди.
