Marokash terma jamoasi futbolchilari 2022 yilda Qatarda bo‘lib o‘tgan jahon chempionatida qo‘lga kiritgan barcha mukofot pullarini o‘z mamlakatidagi kam ta’minlangan oilalarga yordam berish uchun jo‘natishga qaror qildi, deya xabar beradi jurnalist Xolid Beydun.
Marokashliklar jahon chempionatining yarim finaliga qadar yetib borgan va u yerda Fransiyaga imkoniyatni boy bergan (0:2). Uchinchi o‘rin uchun kechgan bahsda Xorvatiyaga imkoniyatni boy berdi (1:2).
AP xabariga ko‘ra, Marokash terma jamoasi o‘z o‘yinlari orqali taxminan 25 million dollar ishlab topgan.
Marokashliklar jahon chempionati tarixida turnirning yarim finaliga chiqishga muvaffaq bo‘lgan ilk Afrika terma jamoasiga aylandi. Ilgari ushbu qit’a jamoalarining eng yaxshi natijasi chorak final o‘yinlari bo‘lgan.
Avvalroq Marokash qiroli Rabotdagi saroyda terma jamoa futbolchilari va ularning onalari bilan uchrashgani xabar qilingandi.
