Italiyaning Calciomercato nashri xabariga ko‘ra, "Milan" "Liverpul" yarim himoyachisi Nabi Keytani o‘z safiga qo‘shib olmoqchi.
Biroq, Italiya gigantlarida shubhalanish uchun ikkita sabab bor.
Birinchisi, futbolchi sog‘lig‘i bilan bog‘liq muammolar tufayli deyarli butun mavsumni o‘tkazib yubordi.
"Milan" uchun yana bir muammo - uning maoshi. Gvineyalik futbolchi "Liverpul"da bir mavsumda 7,5 million yevro ishlab olayotgani xabar qilinmoqda va A Seriya chempionlari ham xuddi shunday maoshni ko‘tara olishlariga ishonchlari komil emas.
Keyta nihoyat mashg‘ulotlarga qaytdi va yana "qizillar"dagi asosiy tarkibdagi o‘rin uchun da’vogarlik qilmoqda.