«Dinamo» jamoasi 2023 yilgi yangi mavsumga tayyorgarlik jarayonini boshladi.

"20 dekabr kunidan «Dinamo» klubi bosh murabbiy Vadim Abramov qo‘l ostida mashg‘ulotlarga kirishdi. Bir hafta davom etadigan dastlabki yig‘in doirasida asosan mahalliy va yosh o‘yinchilar ko‘rikdan o‘tkazilib, asosiy e’tibor futbolchilarning jismoniy holatini yaxshilashga qaratiladi.

Samarqanddagi mashg‘ulotlar 27 dekabrga qadar davom etadi. Klub 5 yanvardan Toshkentda to‘planib, o‘quv-mashg‘ulot yig‘inini boshlaydi. Yangi yildagi dastlabki yig‘in davomida tarkibdagi o‘zgarishlar haqida rasmiy ma’lumot beriladi" - deyiladi samarqandliklar rasmiy bayonotida.