«Barselona» prezidenti Joan Laporta Jerar Pikening faoliyatini yakunlashi haqida gapirdi.
Noyabr oyida 35 yoshli himoyachi klub bilan shartnoma muddati tugashidan ancha oldin butsalarini mixga ilishga qaror qilgani ma’lum bo‘lgandi. Mish-mishlarga ko‘ra, bunday qarorning sabablaridan biri Laporta bilan yaxshi munosabatlar bo‘lmaganligida edi, ammo kataloniyaliklar prezidenti buni rad etdi:
«Mening Pike bilan munosabatlarim a’lo darajada, u biz uchun juda qadrli inson. Men uning prezidenti ekanligimdan faxrlanaman.
Jerar - klubga nisbatan o‘zini namunali tutadigan ajoyib futbolchi. Biz undan juda minnatdormiz», - deya Laportaning so‘zlaridan iqtibos keltiradi Ispaniya OAV.
