«Барселона» президенти Жоан Лапорта Жерар Пикенинг фаолиятини якунлаши ҳақида гапирди.
Ноябрь ойида 35 ёшли ҳимоячи клуб билан шартнома муддати тугашидан анча олдин бутсаларини михга илишга қарор қилгани маълум бўлганди. Миш-мишларга кўра, бундай қарорнинг сабабларидан бири Лапорта билан яхши муносабатлар бўлмаганлигида эди, аммо каталонияликлар президенти буни рад этди:
«Менинг Пике билан муносабатларим аъло даражада, у биз учун жуда қадрли инсон. Мен унинг президенти эканлигимдан фахрланаман.
Жерар - клубга нисбатан ўзини намунали тутадиган ажойиб футболчи. Биз ундан жуда миннатдормиз», - дея Лапортанинг сўзларидан иқтибос келтиради Испания ОАВ.
