Italiyaning "Sassuolo" klubi RPLdan himoyachisi Rojerio bo‘yicha so‘rov oldi, biroq braziliyalikni Rossiyaga sotishdan bosh tortdi. Gap 24 yoshli braziliyalik futbolchining xizmatlariga qiziqqan "Spartak" haqida ketmoqda.
O‘tgan mavsumda "Sassuolo" Rojerioni Angliya Premyer-ligasi klublaridan biriga 12 million yevroga sotmagandi.
Joriy mavsumda Rojerio “Sassuolo” safida barcha musobaqalarda 15 ta o‘yinda maydonga tushdi va 3 ta golli uzatmani amalga oshirdi. Uning klub bilan shartnomasi 2024 yilning yoziga qadar mo‘ljallangan.
Transfermarkt portali braziliyalik futbolchini 5,8 million yevroga baholamoqda.
