Италиянинг "Сассуоло" клуби РПЛдан ҳимоячиси Рожерио бўйича сўров олди, бироқ бразилияликни Россияга сотишдан бош тортди. Гап 24 ёшли бразилиялик футболчининг хизматларига қизиққан "Спартак" ҳақида кетмоқда.
Ўтган мавсумда "Сассуоло" Рожериони Англия Премьер-лигаси клубларидан бирига 12 миллион еврога сотмаганди.
Жорий мавсумда Рожерио “Сассуоло” сафида барча мусобақаларда 15 та ўйинда майдонга тушди ва 3 та голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.
Transfermarkt портали бразилиялик футболчини 5,8 миллион еврога баҳоламоқда.