“Milan” fransiyalik tajribali hujumchi Olivye Jiru bilan shartnomani uzaytirmoqchi. Tomonlar o‘rtasidagi amaldagi shartnoma kelasi yilning yozida yakuniga yetadi.
Gazzetta dello Sport nashri xabariga ko‘ra, "rossonerilar" 36 yoshli futbolchini boshqa klublar o‘ziga jalb qilib, unga qulayroq moliyaviy sharoitlarni taklif qilishlaridan qo‘rqishmoqa. Yaqin kunlarda "Milan" vakillari Jiruning agenti bilan uchrashib, yangi shartnoma bo‘yicha muzokaralar olib borishga harakat qilishadi.
Olivye joriy mavsumda "Milan" safida 19 ta o‘yinda maydonga tushdi. Fransiyalik futbolchi to‘qqizta gol va beshta golli uzatmani amalga oshirdi.
