“Милан” франциялик тажрибали ҳужумчи Оливье Жиру билан шартномани узайтирмоқчи. Томонлар ўртасидаги амалдаги шартнома келаси йилнинг ёзида якунига етади.
Gazzetta dello Sport нашри хабарига кўра, "россонерилар" 36 ёшли футболчини бошқа клублар ўзига жалб қилиб, унга қулайроқ молиявий шароитларни таклиф қилишларидан қўрқишмоқа. Яқин кунларда "Милан" вакиллари Жирунинг агенти билан учрашиб, янги шартнома бўйича музокаралар олиб боришга ҳаракат қилишади.
Оливье жорий мавсумда "Милан" сафида 19 та ўйинда майдонга тушди. Франциялик футболчи тўққизта гол ва бешта голли узатмани амалга оширди.
