"Inter" "Valensiya" yarim himoyachisi Yunus Musani qo‘lga kiritish borasida muzokaralar olib bormoqda, deb xabar beradi Calciomercato.

Manbaga ko‘ra, A Seriya jamoasi 20 yoshli futbolchini qo‘lga kiritishni istamoqda, ammo "Valensiya"ning 40 million yevrolik narxi "Inter" uchun juda baland.

Qatarda bo‘lib o‘tgan 2022 yilgi jahon chempionatida Musa AQSH terma jamoasi safida 4 ta o‘yin o‘tkazdi va samarali harakatlari bilan ajralib turmadi.

Yarim himoyachi joriy mavsumda “Valensiya” safida 11 ta o‘yinda maydonga tushdi va 2 ta golli uzatmani amalga oshirdi. Transfermarkt portali futbolchining narxini 25 million yevroga baholamoqda.