Anyelli oilasi "Yuventus"ni sotishi mumkin, deya ta’kidlaydi Tuttosport. Bunga klubning og‘ir moliyaviy ahvoli va huquq-tartibot organlarining sobiq rahbariyat ustidan olib borilgan tekshiruvlari sabab bo‘lgan.
28 noyabr kuni “Yuventus” klub direktorlar kengashi, jumladan, prezident Andrea Anyelli va vise-prezident Pavel Nedved iste’foga chiqqanini e’lon qildi.
Avvalroq Turin klubi moliyaviy feyr-pley qoidalarini buzgani, klub transferlar hisobini real qiymatdan yuqori saqlashda, shuningdek, xodimlarning narxini kamaytirganlikda va futbolchilarning haqiqiy maoshini yashirganlikda ayblangani haqida xabar berilgandi.
“Yuventus” ayni damda A Seriyaning 15-turidan so‘ng 31 ochko bilan turnir jadvalida uchinchi o‘rinda bormoqda. Turin klubi peshqadam “Napoli”dan 10 ochko ortda qolmoqda.
