"Arsenal" APL tarixidagi eng muvaffaqiyatli jamoalardan biri sanaladi. Ammo hayron qolarlisi, bu klub tarixda ko‘p ham Yangi Yil paytida yetakchilik qilavermagan. Bundan holat faqat ikki bor yuz bergan. Hozir esa hamma uchinchisiga guvoh bo‘lmoqda. Bu safar Rodjestvoga 14 tur o‘ynalgan holda yetib kelindi. Hozirga qadar 11 jamoa boksing dey paytida yetakchilik qila turib, mavsum so‘ngida chempion bo‘la olgan. Quyida "Arsenal"ning bu boradagi natijasiga e’tibor qaratamiz.
2002-2003 yilgi mavsum
Ayni mavsumda yetakchilik aslida Klaudio Ranyeri boshchilik qilgan "Chelsi"ga tegishli bo‘ladi. Ammo "Arsenal" Rodjestvodan oldin "Midlsbro" ustidan 2-0 hisobida g‘alaba qozonib, yetakchiga aylanadi. Shunday qilib, to‘pchilar Premyer-liga davrida ilk bor Yangi Yilga yetakchi bo‘lib o‘tadi. Shu zaylda "Arsenal" yetakchilikni bahorga qadar saqlab qoladi. Ammo oradagi durang va mag‘lubiyatlar jamoaga qimmatga tushadi. Venger shogirdlari mavsumni "Sautgempton" (6-1) va "Sanderlend" (4-0)ga qarshi yirik g‘alabalar bilan tugatadi. Ammo kech edi. Allaqachon Fergyuson boschiligidagi "MYU" chempionlikka erishgandi.
2007-2008 yilgi mavsum
Yangi stadionga ko‘chish "Arsenal"ga og‘ir davrlarni hadya etdi. Shunga qaramay, bu jamoa mavsumni zo‘r boshladi. Venger klubni Rodjestvoga qadar atigi bitta mag‘lubiyat bilan olib boradi. To‘pchilar 18 ta o‘yinda 43 ochko to‘plagandi. Bu "MYU"nikidan bittaga ko‘proq bo‘lgan. Ammo boksing deyda "Portsmunt" bilan durang, "Arsenal"ni ikkinchi o‘ringa tushirib qo‘yadi. Keyinchalik, bu jamoa bahorga qadar 27 ochkodan 25 yig‘ib katta ishtiyoq bilan boradi. Ammo natijalar yomonlashib ketadi. Chempion yana "MYU" bo‘ldi. "Arsenal" esa mavsumning oxirgi 4 ta o‘yinini yutib, chempionlar bilan farqni 4 ochkogacha qisqartiradi. Lekin allaqachon kech edi. Shimoliy londonliklar uchinchi o‘rin bilan YECHL yo‘llanmasini olib, cheklanishga majbur bo‘ladi.
ISMATOV J.
