Madridning “Atletiko” klubi hujumchisi Yannik Karrasko ispan klubidan qishki transfer oynasida o‘zini sotishni so‘radi, deya xabar beradi Estadio Deportivo.
Manba bergan xabarga ko‘ra, 29 yoshli belgiyalik futbolchining "Atletiko" bilan munosabatlari "matraschilar" rahbariyati futbolchisi bilan shartnomani uzaytirish haqidagi fikrini o‘zgartirgan bir paytda yomonlashgan.
Karraskoning "Atletiko" bilan amaldagi shartnomasi 2024 yilning yoziga qadar tuzilgan. Belgiya terma jamoasi futbolchisi 30 million yevroga baholanmoqda.
Ushbu mavsumda vinger "matraschilar" safida 20 ta o‘yinda maydonga tushib, 4 ta gol urdi va 2 ta golli uzatmani amalga oshirdi.
