Adriyen Rabyoning shartnoma muddati tugashi sababli yozda "Yuventus"ni erkin agent maqomida tark etishi mumkin. Calciomercatoweb nashriga ma’lum bo‘lishicha, Turin klubi Rabyo o‘rniga yarim himoyachi topib bo‘lgan.
Manbaga ko‘ra, "keksa senyora" "Lester"dan Yuri Tilemansni o‘z safiga chorlashi mumkin. Bahorda 26 yoshga to‘ladigan belgiyalik futbolchi agar shu vaqtgacha shartnomasini uzaytirmasa, mavsum oxirida erkin agentga aylanishi ham mumkin.
Yuri Tilemans "Lester"dan oldin vatani "Anderlext" va "Monako" jamoalarida o‘ynashga muvaffaq bo‘lgan.
